A Midsummer Ice Cream gan gwmni theatr Rising Stars, Swansea
Ddydd Sadwrn 27 Mehefin 2026, aeth criw o dîm AMEND i weld A Midsummer Ice Cream gan The Rising Stars Theatre Company. Hon oedd gwibdaith haf ein tîm.
Roedden ni wrth ein boddau gyda’r sioe! Diolch i’r tylwyth teg, y coblynnod, y cast a’r criw i gyd – profiad cwbl hudolus a hwyliog.
Addasiad llawn hwyl a llawenydd o A Midsummer Night’s Dream gan William Shakespeare oedd y cynhyrchiad, a oedd yn cynnwys cerddoriaeth, dawns a llinellau wedi’u diweddaru.
Fe wnaeth pob aelod o’r cast roi eu stamp eu hunain ar y ddrama. Er enghraifft, llwyddodd Helena (Pasha Richards-Parssa Nykoo) a Hermia (Charlie Martin) i argyhoeddi’n llwyr fel ffrindiau ar y cychwyn (yn hytrach na chyfeillion caru-casau fel y maen nhw’n aml yn cael eu portreadu mewn fersiynau eraill). Cyflwynodd Joseph Cullen gân Bottom ‘The ousel cock, so black of hue...’ fel dynwarediad o gân aderyn. A phersonolwyd nid yn unig Wal, ond hefyd y Cleddyf sy’n trywanu Pyramus a Thisbe.
Llwyddodd pob aelod o’r cast i gynnal perthynas wych â’r gynulleidfa, gan fynd â ni bob cam o’r ffordd gyda nhw wrth i’r ddrama o fewn drama chwalu’n anhrefn llwyr.
Yn eu geiriau nhw, ‘cwmni theatr cynhwysol ar gyfer plant, pobl ifanc ac oedolion ag anableddau corfforol ac anableddau dysgu’ yw Rising Stars (Gwefan The Rising Stars Theatre Company, Abertawe )
Comments